Wo schall ik mi di ut’n Kopp slogen?
Ik bün doch keen Mann, de Fruuns sleiht.
Di to sehn is as Pottslogen,
Warm, warmer, Schiet!
Mien Verstand is glöhnig hitt,
Mien Vernunft warrt week as Kitt.
Ik hoop bloots, du büst keen Snellkochpott,
Dor sprütt dat bloots kott un denn is dat vörbi.
Un ik heff jo ok keen Lock in’n Kopp,
Ik fang nix an, vun dat ik weet,
Dor suert nix anners rut as Schiet,
Tiet verkleien kann ik mi nich leisten!
Un liekers bün ik mi jichtenswo nich ganz seker bi di,
wieldat mi so’n Geföhl al veel to lang ploogt:
Ik bün de Pott ohn Deckel
Ik bün Heavy ohn Metal,
Ik bün’n Block ohn Zeddel,
De bedere Hälfte fehlt.
Ik bün Löckers ohn Socken,
Ik bün Poppkoorn ohn poppen,
Thomas Gottschalk ohn Locken,
De bedere Hälfte fehlt.
Du bringst mi noch üm Kopp un Krogen,
Ik weet al lang nich mehr, wat richtig is!
Man de Richtige finnen is as Pottslogen,
Den Pott heff ik opdeckt,
Man dat, wat sik dorünner versteekt,
Warrt sik (eerst) wiesen, ik hoop bloots, dat dat lecker smeckt!
Un liekers bün ik mi jichtenswo nich ganz seker bi di,
wieldat mi so’n Geföhl al veel to lang ploogt:
Ik bün de Pott ohn Deckel,
Ik bün Heavy ohn Metal,
Ik bün’n Block ohn Zeddel
De bedere Hälfte fehlt.
Ik bün Löckers ohn Socken,
Ik bün Poppkoorn ohn poppen,
Thomas Gottschalk ohn Locken
De bedere Hälfte fehlt.
Ik bün de Wailers ohn Marley,
Ik bün ´n Biker ohn Harley
Geboortsdag ohn Party
De bedere Hälfte fehlt.
´n Haubarg ohn Nodel,
Uri Geller bloots mi Goveln,
Wireless mit ´n Kobel
De bedere Hälfte fehlt.
Ik bün Flower ohn Power,
Ik bün ´n Well man nich vun Duer
Ik bün Düütschland mit ´n Muer,
De bedere Hälfte fehlt.
Ik bün vull ohn Melk
a capella mit Orchester,
Lyrics ohn Riemels
De bedere Hälfte is fehlt.
