Plattsounds is tohoop mit veer anner Projekten mang 250 Bewerber för den NordWest Award, de vun de Bremer Lannesbank utlöövt warrt,as Finalist vörslagen worrn. Man al nu hebbt wi wonnen! Un twoor ´n „Imagefilm“, de för uns produzeert warrt un mit de wi denn för uns Projekt Warbung maken künnt. Wat wi den Pries un dat Priesgeld vun 30.000 Euro ok noch wonnen hebbt, warrt wi eerst an’n 31. März in Ollenborg to weten kriegen. Dor warrt de NordWest Award vun ´n Jury vergeven, to de ok de Bremer Börgermeester Jens Böhrnsen un de Ministerpräsident vun Neddersassen David McAllister mit tohören doot, vergeven. Wi freit uns al bannig un sünd opreegt, wo dat nu wietergeiht.