Söventeihn nie’e Dode dörch atomore Strohlen,

Boris Becker hett sik trennt – al wedder,

In New York schallst du di wedder för Terror wohren,

hüüt regent dat, man morgen is dat Wedder beder. 

De Bremer sünd den ersten FC Köln över,

Un Messi kosst däächlich mehr Geld,

Dat warrt ´n nie’en Krieg in‘ Nohen Oosten geven,

Un ümmer mehr Hungerdode op düsse Welt.


Ik frooch mi: Wo kann dat sien?

No de Dodesmellen geiht dat üm Sünnenschien.
Ik glööv vun nu an nix mehr, wat ik so höör!

För mi gifft bloots mien Menen, keen anner mehr!

 

Lindsy Lohan wedder in’t Kaschott,
 
Russland föhlt sik vun’n Westen bedroht,
 
Al Qaida secht, dat dat bold wedder kracht,
 
De Welt in’n Allgemeen in grode Noot!
 
In’n Zoo in Hannober kümmt ‘n Giraff op de Welt,
 
De Grund för Hurrykanes is de Klimawannel,
 
Op Sandra Bullock warrt för den negsten Oscar tellt. 

Fief Kinner wechsparrt vunwegen Drogenhannel.



Man kann nich dörch de Straten gohn,
 
Ohn Leed un Hass to gewohren,
 
Ik sech: Man, Lüüd, loot doch eerstmol över snacken,
 
Denn ik kann juus Hass nich verstohn!
 
Worüm künnt ji nich eenfach mool vergeven,
 
Ohn sik glieks över annern to överheven?
 
Worüm künnt ji bloots nehmen, nienich geven?
 
Kiekt to: Jesus leet för annern sien Leven!
 
Ik stoh nu op un goh rut ut‘ Huus un ik schrie!
 
Denn mit mien Gedüer is dat nu för ümmer vörbi!
 
Ji hebbt doch all in’n Kopp nix as Brie,
 
Ik kann dat nich mehr ignoreren.
 
Ik warr nu allens proberen, dormit se dat endlich kapeert.
 
De Lüüd, de mit dat Leven vun annern speelt,
 
Rutgahn un dorgegen demonstreren,
 
Opstohn nu un wieder protesteren!

5 thoughts on “Spinning Wheels – Wo kann dat sien

Comments are closed.