Plattsounds

Bit to ´n 15. September künnt sik noch Bands un Musiker bi Plattsounds bewarven. Blots so langsam warrt dat vull op de Bühn: Dree plattdüütsche Titel sünd al in de Rubrik „Wettstriet“. Dat sünd Miss Allie ut Lümborg mit „Swiensteak Medium“ un De Winnewupps ut de Region Ollenborg. Se präsenteert den Rock-Metal-Bidrag „De Winnewup“. Achter „Kompianist“ stickt Angelika Franzki un se singt „Man tau!“

Annere Bands ut ünnerscheedlich Regionen arbeidt ganz dull an dat Översetten vun jümehr Leder op Plattdüütsch. Dorto hürt de Village Idiots (Punk/Alternative) ut Ostfreesland un Massentrend mit en Punk-Rock-Bidrag ut Hannober. Twee Bands mit Alternative Rock kommt ut den Landkreis Lümborg. Dat sünd Defamed Hero un de Dreamers & Prospectors. Mit Hardrock op Platt hett sik Moc Turtle ut Wilhelmshoben anmellt.

Bi Plattsounds 2017 ward dat dit Johr mächtig „rockig“. Wenn Ji bi dat Spektakel mitmaken wüllt, denn künnt Ji jo noch bit Freedag, 15. September, bewarven. Villicht kummt dor ja noch Reggae, HipHop or Pop to.

Hier anmellen