Wenn de Jury vun Palttsounds sik trüchtreckt un sich afstimmt, wokeen de begehrten Priesen hebben schölen, denn kummt en besünnern plattdüütschen Musiker: Gerrit Hoss speelt un singt mit sien Band in de CD-Kaserne. Gerrit is Musiker, schrifft sien Leder sülvst, maakt Radio bi ´n NDR un vör allen maakt he „Pop op Platt“. Bevör dat mit den Bandwettstriet losgeiht, speelt Gerrit Hoss ok al en beten.

Gerrit Hoss is vun Harten en Live-Musiker. He hett mal anfungen mit Musik op de Straat. He is en Fan vun Jimi Hendrix un Bob Dylan un hett de Leder vun sien Idole sungen. För em is dat ganz eenfach dat Publikum to fesseln.

Gerrit Hoss is 37 Johr oolt un he hett op sien plattdüütsche CD „Platt!“ wunnerbar Leder wi „Ik kann dat Meer sehn“, „Blots in mien Gedanken“ or „Nix mehr to verleren“ rutbrocht. Mit sien Gitarr speelt he veel Poprock. 2016 hett he den Musikpreis vun Bad Bevensen kregen. Gerrit is en ganz modernen, sympathischen un authentischen Botschafter för de plattdüütsche Spraak!

Miehr Informatschoon to Plattsounds in Celle