Escalution

De Sünn brannt, wi maken Party in d‘ Park,
Geev mi wat to drinken, de Arbeid weer hart,
De Sünn spegelt sük in de Stratenbelag,
un de Selecta hett ‘n paar Granaten an d‘ Start,

Geev mi Dancehall, geev mi Soca,
‘n bietje Reggaeton un ‘n bietje Kora,
‘n Streichorchester för Opa un Oma,
Un nenn de Klang Orchestroca!

Ik waak um halv teihn up van de Hitz,
gleihnig Sünnenlücht kummt dör elke Ritz,
maak de Gardien open un seeg eerstmaal blot ‘n Blitz,
30 Graad in d‘ Scharr, Harrijasses, wo ik sweet,

dat word richtig mooi, de beste Sömmerdag,
alleen de Koppel in d‘ Müürpark rookt vandaag en Tünn Gras,
Dat word en 16-Stünnen-Sönnendag,
also pack dien Saken un koom an d‘ Start!

(Denn nu is) Tied to Rutgahn,
runner van d’ Couch, keeneen is to duun to Upstahn,
Tied to Rutgahn,
koom, wi willen lever buten een boen, ik kann ok een utgeven,

Tied to Upstahn, Tied to Rutgahn,
bi en Pladderregen eenfach unner ’n Boom stahn,
vandaag gifft dat keen Utwendsels,
vandaag gifft ‘t blot eens: Rutgahn!

Of ik vandaag in Berlin bün of in Hannover,
vandaag is dat overall so heet as in Do’ha,
Open Air bit mörgens sünner Pillen of Koka,
blot mit en Püütje Gras, Beer, Rum un Cola.

Mi geiht dat good, ik bün vull van Endorphinen,
de Sünn gifft mi Kracht, de Riddim leet mi flegen,
elke Förm van Bad Vibes word vandaag meden,
wi maken Party bit mörgens um söven!

De Arbeid kann wachten, laat uns lever een d‘rupmaken,
School, Uni, schietegaal, laat uns eenfach all blau maken,
disse Dag word wunnerbaar, ik kann dat haast neet faten,
wenn dat en Drööm is, will ik nooit weer upwaken,

ik dreih de Boxen up, de Klang is overdreven nett,
de mooiste Froo in d‘ Stadt beweegt sük overdreven heet,
dreih immer wieder up, bit keeneen mehr liggen blifft,
de hele Massive maakt sük up de Meden breed.

Tied to Rutgahn, ik will neet upgeven,
ik höör neet up, bit all to ’t Huus utgahn,
ik hör di jaueln: “In d’ Park sall dat woll keen Couch geven!”,
man wi packen all mit an un seggen „Up elkeen!!!“.

Urlaub in d‘ Park is beter as in d‘ Stau stahn,
toeerst en bietje verhalen un denn en slechten Show sehn,
blot för dat Drinken betahlen, de Show sall ‘t woll umsünst geven,
denn wi maken ‘t neet för Geld, umdat wi dat mögen!