Peter, der Wolf – Winner

Ik bün nich besünners schöön,

Oder bannig plietsch,


Eher so de Keerl,
de in de School jümmers een op’n Deckel kriegt,
Jümmers bloots loosen,
Vun’t Leven bescheten,

Ji leven Olln, worüm hebbt ji mi dat andoon??


Hüüt is wedder so’n Dag,
Ik mi mool wedder froog‘, worüm

Ik öberhaupt opstohn bün.

Man jichtenswann warr ik ’n Winner sien.

Jichtenswann, jo, jichtenswann.
De Schiet steiht mit bet to’n Hals,


Un stiggt mi bilütten to Kopp

Un du seggst to mi: Wees doch mool dankbor!

Goh ik rut, op den Asphalt,

Un ’n Vogel schitt mi op den Kopp,

Schall ik denn ok noch froh sien, dat dat keen Elefant weer?

Hüüt is wedder düt Leven,

Wo ik mi froog, worüm un vunwegen ik

Överhaupt boorn bün.

Man jichtenswann warr ik ’n Winner sien.

Jichtenswann, jo, jichtenswann.
Man ik weet nipp un nau

Jichtenswann warrt dat anners,

Ik seh de Sünn un weet, dorför bün ik boorn.

Op jeedeen Deckel passt een Pott,


Lüttveeh maakt ok Mist,

Un ok ’n blinne Heen finndt mool ’n Koorn.

Man jichtenswann warr ik een Winner sien.

Jichtenswann, jo, jichtenswann.

Ik weet nipp un nau, dat dat een Dag so wiet komen warrt,

Ik bün ganz boven! All kiekt to mi op!

Un denn treck ik in de wiede Welt! No New York hen oder Hamborg!

Oder tominnst na Castrop-Rauxel oder so!
 
Un ik geev ju nix af vun all mien Ruhm!

Wieldat ji mi dormols ok nix afgeven hebbt. Ha!

Jichtenswann.