Wi sünd egentlich nich normaal normaal
Sünd staatsch un för all gellt datsülvige Recht
Man wüllt twee Mannslüüd freen, wat ‘n Schandaal
denn uns Gott, de finnt dat böös un slecht

Wat is dat blots man snaaksch.
Willkamen in Düütschland.

Siet de veertiger Johren sünd wi ach so tolerant
dat gellt för veel, blots nich för Deerns
nee, gerecht is dat jüst nich, een hett de Bavenhand
Wat de Tokunft bringt, dat steiht in de Steerns

Froenslüüd sünd nix weert.
Willkamen in Düütschland.

Wi hebbt al siet Johr un Dag en Nazi-Problem
Egalweg haut de jichtenseen doot
In Northeim kann een bet op Bruun nich veel sehn
Un nüms gifft uns Stütt in all uns Noot

Hebbt wi allens al mal höört
Willkamen in Düütschland

De Amis spioneert uns ut? All op Steed, de dröfft dat
wieldat uns Verhältnis wichtiger is
De Russen kapert de Krim, tööv mal, wat schall denn dat?
Putin is nu mal Kommunist

Dat stinkt doch as man wat!
Willkamen in Düütschland