Nich blots de Musiker sorgt dorför, dat Plattsounds en Beleevnis warrt – ok Annie Heger begeistert jedet Johr, wenn se as Moderatorin dorbi is un för goot Ünnerholen sorgt. Vun 2013 an is de Singersche un Schrieversche, de ok as Sprekersche de Sennen „Hör mal ´n beten to!“ vun NDR 1 maakt, bi Plattsounds dorbi. Annie Heger hett en ganz besünners Oort un se schafft, dat Plattsounds en Beleevnis för Jung un Oolt warrt. PLATTart is en plattdüütsch Festival in Neddersassen un dor is Annie Heger ok siet 2013 Leidersche in den künstlerischen Bereich.

Bi den Kinofilm „Ostfrees´sch för Anfängers“ hett Annie Heger mit de Schauspelers Plattdüütsch övt.

Vun lütt op an snackt Annie Heger Plattdüütsch. Se keem in Auerk op de Welt un hett dorna in Spitzerfehn levt. Anni harr en Droom. Se wull „Liza Minelli ut Ostfreesland“ warrn.

Annie Heger hett vele Talente. Alleen maakt se Kabarett op Platt un se hett de CD „Watt ´n Skandaal“ opnahmen. Op de CD is Pop, Rock, Blues un Jazz to finnen. Un dormit is Annie Heger kloor ok Vörbild vun de jungen Plattsounds-Deelnehmers. Wenn Annie Heger modereert, denn gifft dat jümmer ok mal en kort Leed to hüren.